Një vajzë 13-vjeçare ka rënë nga kati i katërt i një pallati në qytetin e Sarandës. Si pasojë e plagëve të marra, ajo është dërguar me urgjencë drejt spitalit të Traumës në gjendje të rëndë.
Mësohet se ajo është identifikuar si Kristjana Nikolla, e cila, sipas bluzave të bardha të pediatrisë Sarandë, shkoi në spital me shenja vitale, reagonte gjatë mjekimeve, por kishte marrë goditje në kokë dhe kishte frakturë në këmbë dhe dorë.
Ende nuk dihet shkaku i rënies së adoleshentes. Rënien e saj rastësisht e ka parë një efektiv policie banesa e të cilit ishte përballë më atë të 13-vjeçares. Ai ka shkuar menjëherë e mori vajzën në duar dhe me mjetin e tij e shpuri atë në spital. Pas ndihmës së parë adoleshentja u transportua me helikopter tek Qendra e Traumës në Tiranë.
